Pingaarnertut isigalugu, assigiinngitsunik katiteraluta sulivugut – kisianni perorsaariaatsit 100-it assigiinngitsut atunngilavut, taamaattorli perorsaariaatsit assigiinngitsut katitikkat misilittakkavullu aallaavigalugit atorsinnaasut ingerlappavut.
Siullerpaatillugu suliaraarput meeraq/inuusuttuaraq aalajangersimasumik ersarissumillu aaqqissuusaasumik inissinneqarfimmini sinaakkutaqassasoq, tamanna toqqissisimanermut isumannaassusermullu ilaammat, oqaatigisariaqarlunilu atassuteqaqateqarneq pillugu suleriaqqinnissamut tunngaviusoq.
- Aammattaaq piginnaasat amerliartornissaat qitiutillugit sulivugut – ataasiakkaarlutik ineriartornissaminnut periarfissaqarmata, uagullu suliassaraarput ineriartornissamut periarfissap suunerata paasinissaanik inuusuttuaraq ikiussallugu.
- Sinaakkutaqarluta meeqqap/inuusuttuaqqap naleqquttumik naleqqutinngitsumillu pissusilersortarneq ilikkassagaa sulivugut, ileqqut malittarisassallu atorlugit.
- Aammattaaq meeqqap/inuusuttuaqqap attaveqarsinnaanermut ajornartorsiutai aallaavigalugit atassuteqaqateqarnermut perorsaariaaseq suleriaasitta ilagaat.
- Nutaarsiassaavoq tarnip pissusaanik ilisimasallip aallartimmagu inuup nammineq allanullu paasinnissinnaaneranut tunngatillugu perorsaariaaseq, taassuma ataani assersuutitut iluseq STORM. Perorsaanermik sulialinnut sakkussaq piviusoq, meeqqanut misigissutsikkut sakkortuumik misigisaqarnerup kingorna kingunerlutsitsisunut sullissinermi atorsinnaasaat. Meeqqat akulikitsumik misiginerlussimasaminnut assingusumik misigisaqartarput (misigisaqarnerloqqinneq). Tamanna assorsuaq tamanut annernarsinnaavoq nikallornarsinnaallunilu, taama misigisaqartunut iluseq STORM sullissinermi sakkussatsialaavoq. ” Misigisat sakkortuut kingunerluutaat, isumaat, misigeqqinnerat, misigeqqinnissaanut isiginnaagassiatut aaqqissuunnerat aamma pimoorunissaat paasiuk…”
- STORM qallunaat oqaasiiniit naalisagaavoq isumaqarlunilu:
- (Sikkerhed – isumannaassuseq, Tænk Traumer – misiginerlutaniit kingunerlutsitsinerit eqqarsaatigikkit – , Opbyg evner –piginnaasat ineriartortikkit, Ressourcer og Mentalisering – nukittuffiit aamma nammineq allanullu paasinnissinnaaneq, = STORM)
Tamarmik avatangiisit suliarinerannut ineqartumut sunniuteqartut.
Perorsaanemi sinaakkutat
- Upperaarput ulloq unnuarlu angerlarsimaffiup toqqissisimanartuunera isumannatsuuneralu ineqartumut sullissinermi ajunngitsumik, peqqissumik pitsaasumillu aallartiffiusoq. Taamaattumik kissalaarneq, qanilaarneq isumassuinerlu pingaartippavut.
- Upperaarput aalaakkaasumik isumassuinermillu atassuteqaqatigiinneq ineqartumut ineriartuutaasoq.
- Ineqartup piginnaasai sullisigaavut, namminneq naleqartinnerannut imminnullu tatiginerannut nukittorsaataammata.
- Anguniagaraarput inuusuttuaqqat tarnikkut timikkullu peqqissuunissaat, taamaattumik inuusuttuaraq isumassuinermik annertuumik, uppernassuseqarnermik, tatiginartuunermik, pimoorussisumillu pissuseqarluta naapittarparput.
- Eqqarsarluartuuvugut ineqartuutittalu sullinneranni perorsaanermut pikkorissiartuinnarnissarput anguniagaralugu
- Ineriartorneq unammillernartunillu suliaqarneq pingaartippavut – immikkoortortaqarfitsinni, uatsinni aamma ineqartuni.
Ulluinnaat ingerlasarnerat
|
Piffissaq |
Suliassaq |
|
|
Ullaakkut |
7:00- 7:50 |
Itersaaneq & Ullaakkorsiorneq |
|
Ullaap tungaa |
8:00- 11:30 |
Ataasiakkaarluni pilersaarusiukkamik sammisaqarneq (Atuarfik, suliffik, pisussaaffiit, il.il.) |
|
Ullup qeqqa |
11:30 |
Ullup qeqqasiorneq |
|
Ualikkut |
14:00- 17:00 |
Ataasiakkaarluni pilersaarusiukkamik sammisaqarneq (Atuarfik, suliffik, pisussaaffiit, il.il.) |
|
Unnukkut |
18:00 |
Unnukkorsiorneq |
|
22:00- 23:00 |
Aqagumut pilersaarusiorneq Angerlarfissaq |
Sinaakkutat timitaat
Qussartoq
Allaffik
Hurlumhej
Ineqartut angerlarsimaffiat
Nippinngaaq
Ineqartut angerlarsimaffiat
Paarmiliarfik
Ineqartut angerlarsimaffiat
Akilliit atuarfiat
Nammineq atuarfeqarpugut ”Aappuluttuaraq”. Tassani ineqartunut pisariaqartitsisunut immikkut atuartitsineq ilinniartitsinerlu ingerlanneqartarpoq.
Sannaviit
Assassorluni sannavik – assaat qaratsallu atornissaanut periarfissaq.
Nipilersortarfik – Nipilersornissamut, nipilersoqateqarlunilu sammisaqarneq aamma immiussisoqarsinnaavoq.
Angallatit
Poca 600– angallat 10-nit ilaasoqarnissamut akuerisaq