Akilliit

Oqaluttuassartaa:

Angerlarsimaffik ”Akilliit” oktober 2009-mi pilersinneqarpoq, angerlarsimaffiup allap matunerata kingorna. Akilliit pilersinneqarneranut aammattaaq tunngaviuvoq illoqarfimmi Qaqortumi ulloq unnuarlu angerlarsimaffimmik neqerooruteqarsinnaanissaq. Angerlarsimaffik illuni sisamani assigiinngitsuni Qaqortumi immikkoortortaqarpoq.

Siunertaq anguniagarlu:

Meeqqat inuusuttuaqqallu Angerlarsimaffik Akilliinut inissinneqartut toqqissisimasumik angerlarsimaffeqarnissaanik neqeroorfiginissaat siunertaavoq tamannalu avatangiisini pitsaanerpaaniissaaq. Ineqartut angerlarsimasutut misiginissaat pingaartinneqassaaq, ataqqeqatigiinneq, kiisalu ineqartut tamarmik akisussaassusilimmik pissuseqarnissaat: Akilliit angerlarsimaffiussaaq toqqissisimanartoq. Akuersineq annertoqaaq, kikkullu tamarmik inissaqartinneqarput.

Ineqartut tamarmik ataasiakkaarlutik piginnaasaat aallaavigissallugit silisuvut sungiusarnikuupput, ineqartut piginnaasaat tamakkiisumik atorluarneqarsinnaaqqullugit. Assersuutigalugu atuagarsornikkut, assassorluni sulinikkut aammali sunngiffimmi meeqqat suut soqutigineraat paasiniaanissaq pingaartinneqarluarpoq. Taamaattumik immikkut pingaartinneqarpoq meeqqat atuarfiata, ilinniarfiit, pisortat, suliffeqarfiit, sunngiffimmi susassaqartitsiffiit, il.il. suleqatigilluarnissaat.

Akilliit siunertaraat ineqartut inuunerminni puiugassarinngisaminnik misigisaqarnissaat. Taamaattumik angalasaqaagut, nunatsinni nunanullu allanut.

Aamma pingaaruteqarpoq ineqartut peqqissunik pitsaasunillu avatangiiseqarnissaat: Ineqartut angerlarsimaffiup avataani ikinnguteqalernissaminnut tapersersorneqassapput. Kisianni aamma angajoqqaat ineqartullu akornanni, sullissisuminnut allanullu attaveqarlualernissaat pingaartinneqarpoq.

Akuersineq

Ingerlatsinermut isumaqatigiissut uunga aaneqarsinnaavoq atuarneqarsinnaallunilu:…

Siulersuisut:

Siulersuisut inunnik assigiinngitsunik assigiinngitsunillu tunuliaqutalinnik katitigaapput:

Siulittaasoq: Simon Simonsen

Siulittaasup tullia: Gunnar Frederiksen

Ilaasortat: Else Poulsen, Deborah Kleist og Victoria Mølgaard

Nakkutilliineq

Angerlarsimaffik Akilliit Kalaallit Nunaanni Isumaginninnikkut Aqutsisoqarfimmiit nakkutigineqarpoq.

Ukiumut naatsorsuutit inerneri

Ukiumut naatsorsuutit inerneri uunga aaneqarsinnaapput:

Pisortat nalunaarusiaat

Pisortat nalunaarusiaat uunga aaneqarsinnaapput:……

Naleqartitat

Akuersaarneq

Ammaneq

Tatiginnineq

Tullimut asanninneq

Suliamut pikkorinneq

Ataqatigiinneq

Takorluugaq/Anguniagaq

Akilliit Kalaallit Nunaanni meeqqanut inuusuttuaqqanullu navianartorsiortunut angerlarsimaffiussaaq toqqissisimanartoq. Ineqartuutitta piginnaasaasa tamakkiisumik ineriartortinnissaat kissaatigaarput, taamaalillutik tamakkiisumik inuiaqataasinnaanngoqullugit. Aammattaaq imaraa meeqqat inuusuttuaqqallu ajoqqusernerminni kingunerluutaat sulissutigisaratsigit. Meeqqat inuusuttuaqqallu sullinneqarnerat siulliutittuassavarput, inuunertik nutaamik pitsaasumillu aallarteqqinniassamassuk.